Unang Rota sa Mindanao gilunsad sa DOTR ug LTFRB paingon sa BARMM

Hingpit ng gilunsad sa Department of Transportation (DOTr) ug Land Transportation Franchising and Regulatory Board kon (LTFRB), kauban Ministry of Transportation and Communications (MOTC) ug ang LTFRB sa Bangsamoro Autonomous Region in Muslim Mindanao (BARMM),ang pinakaunang Inter-Regional na Rota paingon ug padulong sa  BARMM ubos sa Public Utility Vehicle Modernization Program (PUVMP) nga gipahigayon sa Marawi City, Pebrero 23, 2022.

Mitambong atol sa paglungsad ang BARMM MOTC Minister Dickson P. Hermoso, LTFRB Chairman Atty. Martin B. Delgra III, Office for Transportation Security Undersecretary Raul Del Rosario, Asec. Felix Castro of Task Force Bangon Marawi, ug daghan pang mga opisyal sa nagkadaiyang ahensya sa gobyerno.

Ang makasaysayang panghitabo gipahigayon mismo didto sa Ground Zero”sa  Islamic City sa Marawi, mga opisyales gikan sa DOTr-LTFRB, MOTC-BARMM, provincial, local government units diin gi-inagurahan ang unang byahe sa tulo ka ROTA nga gilangkuban sa mosunod:

    1. Davao City – Marawi City, Lanao Del Sur

    2. Iligan City, Lanao Del Norte – Marawi City, Lanao Del Sur

    3. General Santos City – Dipolog City via Cotabato

Ang katawhan sa Marawi City, BARMM ug mga silingang lungsod maoy nag unang makapahimulos sa moderno, luwas ug komportable nga pampublikong transportasyon .

Gitawag nga “Friendship Routes”, ang nahisgutang mga rota nga gi-ablihan pinaagi sa LTFRB Memorandum Circular Nos. 2021-071 ug 2021-072, ug resulta sa sunod-sunod nga mga panagtigum ug pulong  sukad niadtong 2019 sa  LTFRB Regional Franchising and Regulatory Offices sa Mindanao, PUVMP National ug Regional Project Management Offices, sa Ministry of Transportation and Communications (MOTC), and LTFRB – BARMM. Ang PUVMP maoy flagship nationwide non-infrastructure project sa Duterte Administration sa tumong nga ma-modernize ang sistema sa pampublikong transportasyon sa nasod aron mahatagan ug komportableng kinabuhi ang mga Pilipino. (PIA/ETIsidro)