Sugyot ni Piñol nga ‘banana research lab’ gisuportahan ni Lacson

Suportado ni  Presidential aspirant Panfilo Lacson ang sugyot ni  Senatorial candidate  Emmanuel “Manny”Piñol  nga  pagtukod og  banana research laboratory  ingon  man  reporma sa sistema sa patigayon sa industriya sa saging  sa Davao del Norte. 

Mao  kini  pamahayag sa  opisyal  ngadto sa media   atol sa  campaign rally sa  Partido  reporma  sa  Panabo City, Davao del Norte niadtong Pebrero 11.

Matud pa ni Lacson,  “everytime na may budget deliberation lagi akong nagdadagdag sa research and development. Alam niyo ba na portion lang ng budget na nilalagak na pondo sa research and development 0.4 percent ang ideal is 2%, ang layo natin. Bakit tayo import ng import. Andami nating homegrown talents, mga scientists, mga researchers pero di natin pinopondohan. Ang problema natin, ang research natin laging google. Nag-gogoogle tayo ng mga masa-shoping sayang yung ating talent napupunta sa ibang bansa tapos ang kanilang invention binibili natin.”

Ang Davao del Norte maoy  usa sa  mga  dakong  gihatag  nga  bahin  sa  industriya sa saging sa rehiyon.

Kun diin ang  kasamtangang  produksyon niini, mapa- lokal ug export  man  nga merkado, naghatag og  dakong oportunidad sa ekonomiya sa tibuok banana value chain.

Apan, usa sa dakong hagit sa mga mag uuma sa saging mao  ang Fusarium wilt  kon Panama disease  diin   nag-unang problema sa sagingan sa probinsya. 

Subay  niini  kung palaron sa  senado, plano ni  Piñol ang pagtukod og dugang banana research laboratory sa nasud.

Gipamatud-an usab ni Piñol nga ang  Fusarium wilt  ang nag-unang “silent killer” sa industriya sa saging sa probinsya.

“When I was the secretary of agriculture, we established the Banana Industry Development Council to address the concern of the banana growers,” sulti ni Piñol.

Ang Fusarium wilt usa ka pathogen nga anaa sa yuta, nga naga breed sa fungus nga mutapot sa mga tanom nga saging. Mahimo kining magpabiling  mabuhi  sulod sa 30   hangtud  50 ka tuig.