Solar Power projects sa Tawi-Tawi gilaumang mag operate sa Nobyembre

Gipaspasan na ang paghuman sa ginatukod  nga  solar power project sa  lungsod sa  Sibuto, probinsya sa  Tawi Tawi .

Di pa lang dugay, personal nga gisusi ni  Mindanao Development Authority (MinDA) Chairman  Maria Belen Acosta ang  maong proyekto nga gipundohan sa European Union Access to Sustainable Energy.

Mokabat sa  600 kilowarr renewable energy ang gilaumang mahatag sa proyekto diin dugang  supply sa kuryente sa maong lugar.

Usa sa labing maka benepisyo niini ang mga seaweed farmers.

Ma-agni na sab niini ang mga mamuhunan sa  pagmugna og mga  processing plants  nga dakong tabang sa ilang produksyon.

Nagtambayayong ang MinDA, BARMM Ministry of Agriculture and Agrarian Reform, Ministry of Environment, Natural Resource and Energy, TAWELCO, MSU Tawi-Tawi, Provincial LGU ug  AIEC aron mapaspasan ang  implementasyon sa proyekto.

Malaumon ang local nga gobyerno  nga pinaagi sa proyekto  molambo ang ekonomiya sa  Sibuto diin sa karon giilang 6TH class Municipality.

Gawas sa Sibuto, susamang proyekto ang ginatukod sa  Kungsud , Sitangkay  nga  mohatag og  1 megawatt renewable solar power.

Sa umaabot  nga  bulan sa Nobyembre karong tuiga gilaumang magamit na sa  mga residente  ang maong  proyekto.

Via Francis Magbanua og MinDA PR