Satisfaction rating ni Leni nisamot pag-ubos sumala sa SWS

Sobra nga nadismaya ang milyon-milyong Pinoy sa trabaho ni Leni Robredo isip ikaduha nga pinakataas nga opisyal sa nasud dungan sa paghagsa sa iyang net satisfaction rating sa +1 sa fourth quarter sa 2021.

Buot pasabot nga niubos og 23 puntos gikan sa iyang kanhing numero nga +24 ang iyang performance rating, sumala sa Social Weather Stations (SWS) survey.

Sumala sa report sa fourth quarter 2021 SWS niadtong Biyernes, ang performance rating ni Robredo miabot og 23 puntos gikan sa “good” o maayo nga rating nga +24 niadtong Septiyembre 2021 pero karon +1 na lamang.

Buot pasabot niini nga puro palpak ang trabaho niya isip bise presidente sa nasud.

Migawas usab sa survey nga gihimo niadtong Disyembre 12-16, 2021, sa 1,440 ka respondents, ang porsyento sa mga Pinoy nga “dissatisfied” o dili kontento ug “satisfied” kon kontento sa “dili makapadayeg” nga trabaho ni Robredo kay magkadikit sa 40 porsyento ug 41, porsyento base sa pagkasunod.

Si Robredo ang midagan nga pangulo karong 2022 nga eleksyon, ang adunay pinakaubos nga performance satisfaction rating sa tanang opisyal sa gobyerno nga apil sa maong survey.

Mas taas nga milya-milya sa iya si Senate President Vicente Sotto III nga nakatala sa +52 net satisfaction rating, o 65 porsyento nga satisfied rating sa 14 porsyento nga dili kontento.

Samtang, si Speaker Lord Allan Velasco nakakuha og +5 net satisfaction rating, o 29 porsyento nga nakontento ug 24 porsyento nga wala makontento.Si Chief Justice Alexander Gesmundo adunay +6 nga net satisfaction rating, o 26 porsyento nga kontento ug sa 20 porsyento nga wala makontento.

Gipunting pa sa SWS nga ang pagkahagsa ni Robredo og 23 puntos sa iyang net satisfaction rating maoy resulta sa pagkunhod sa iyang mga numero sa halos tanang lugar, partikular sa Mindanao.

Sa Metro Manila, ang net satisfaction rating ni Robredo kay gikan sa +1 (neutral) ug nahimong -16 (poor). Sa Visayas, gikan sa +47 (good) ug nahimong +27 (moderate), ug gikan +20 (moderate) nahimong -27 (poor) sa Mindanao.

Bisan sa “Balance Luzon”, niubos usab kini gikan sa +24 niadtong Septiyembre 2021 ug nahimong +10 karong Disyembre.

Bisan ang urban net satisfaction rating ni Robredo kay mamatikdan ang paghagsa gikan sa +13 (moderate) ug nahimong -13 (poor) karong Disyembre 2021. Ang rural net satisfaction usab niya gikan sa +34 (good) ug nahimong +14 ( moderate) karong Disyembre.

Gidugang pa sa SWS survey nga niubos sab ang rating ni Robredo sa mga lalaki gikan sa +17 (moderate) ug nahimong -4 (neutral) ug gikan usab sa +32 (good) nahimong +6 (neutral) sab si Robredo sa mga kababayen-an.

Niubos usab ang ihap ni Robredo sa mga may edad nga 18-54 sa Pinoy, gikan sa +16 hangtod 26 karong Septiyembre ug nahimong -5 hangtod +2 karong Disyembre.

Bisan sa 55 anyos pataas kay nahagsa sab ang ihap ni Robredo gikan sa +32 niadtong Septiyembre ug +6 niadtong Disyembre.

Nakapakurat usab kay bisan ang net satisfaction rating niini sa mga junior high school graduates kay nahagsa sab sa +15 (moderate) niadtong Septiyembre ug nahimong -1 (neutral) karong Disyembre. Ang iyang rating sa mga estudyante sa kolehiyo mas dako usab ang giubos gikan sa +20 (moderate) karong Septiyembre ug nahimong +1 (neutral) karong Disyembre.

Nasuta usab sa pipila ka mga political expert sa kadaghanan sa mga lugar nga nabagsak si Robredo mao ang mga gitawag nga “vote-rich” o abunda sa boto nga mga rehiyon sa matag adunay piniliay.

Pagtoo usab nila ang resulta sa maong survey posible nga mahimong resulta sa kapaingnan ni Robredo sa umaabot nga piniliay sa Mayo 9.