Sara Duterte giawhag ang katawhan nga tun-an ang pagpuyo kauban ang Covid-19

Giawhag ni Vice Presidential aspirant ug Davao City Mayor Sara Duterte ang katawhan nga tun-an ang pagpuyo kauban ang Covid-19 inay hulaton nga matapos ang pandemya. Kini subay sa usa ka press statement nga gipost sa Hugpong Ng Pagbabago facebook page, Miyerkules (Pebrero 17). 

“Lagi kong pinapa-alala sa aming mga kapatid na Dabawenyo na kailangan we should be people living with COVID. Huwag na po natin antayin na ma-eradicate o mawala ang COVID dahil wala pong kasiguraduhan kung mawawala pa ba ang COVID,” sulti ni Mayor Sara atol sa media interbyu. 

Gikanayon ni Duterte nga ang Davao City nagsugod na sa pag-abli sa ilang trade ug business hubs aron hinay-hinay ng makabawi sa dakong kalugi sa ekonomiya. 

“Doon po sa amin sa Davao sinisumulan na po naming buksan ang aming syudad,” dugang sulti ni Duterte. 

Giawhag sa Mayor ang katawhan nga tun-an ang pagpuyo kauban ang Covid-19 aron sa ingun dili na makapahigayon pa og dugang lockdowns nga mao’y makabalda sa ekonomiya. 

“We have to adjust, be resilient and live with COVID na wala na pong nangyayaring lockdowns” pagdasig ni Duterte sa katawhan.

Gihatagan usab og gimbug-aton ni Duterte ang kamahinungdanon sa papel sa matag-usa aron mapugngan ang dakong epekto sa pandemya, giawhag niya ang matag Pilipino nga musunod sa minimum health standards nga gihatag sa Department of Health (DOH).

“Ang sinasabi po ng mga public health experts ay ang pagsusuot ng mask, distansya, at paghuhugas ng kamay,” hangyo ni Duterte nga sundon sa matag-usa.

Giawhag usab niini ang katawhan nga magpabakuna ug magpa-booster shots ilabi na nga libre kini alang sa publiko. 

“Isa po tayo sa mga bansa na ang general population na nagbo-booster sa sobrang dami po ng ating available na mga bakuna,” dugang sulti sa  mayor.