Santo Tomas MSWDO adunay bag-ong sakyanan

Mukabat sa P1.4 milyon ang kantidad sa bag-ong napalit nga sakyanan alang sa Santo Tomas Municipal Social Welfare and Development Office (MSWDO).

Gipangunahan ni Santo Tomas Mayor Ernesto Evangelista ug Municipal Administrator Atty. Elisa Evangelista adlawng Lunes,Disyembre 13, ang blessing sa bag-ong palit nga sakyanan nga gipahitabo sa Municipal Covered Court.

Usa ka bag-ong unit sa Rusi Chariot Motorcycle nagkantidad og P144,000 ug usa ka bag-ong unit sa Utility Van nga nagkantidad og P1.3 milyones ang napalit gamit ang Gender and Development Fund (GAD) fund.

“Kining gipalit na mga sakyanan sa MSWDO dako kini na tabang para mas paspas ang paghatag og serbisyo sa katawhan. Atoang i-capacitate ang mga opisina na frontline sa paghatag og serbisyo sa katawhan. Kining kwarta sa katawhan gamiton nato kini ug ibalik nato kini pina-agi sa sakto, ug paspas na paghatag og serbisyo,” sulti ni Mayor Ernesto Evangelista. (NW)