Proyektong pasuga, gym gi-turnover sa Davao del Sur

Gipaningkamotan sa kagamhanang probinsiyal sa Davao del Sur aron ma turnover dayon ang natapos nga proyekto ug aron matabangan ang mga lomolopyo sa halayong dapit sa Davao del Sur.

Una nga gi turnover ang covered space nga adunay stage diin kantidad  sa P1,186,886.58 alang sa Sibulan National High School, usa sa mga layong lugar sa Barangay Sibulan sa municipality sa Sta. Cruz, ug ang electrification project nga adunay 150-watts  solar lights.

Mismong si Governor Marc Cagas ang nag turnover sa maong mga proyekto ngadto sa school teaching personnel nga gi representar ni Isabelito Poncardas kauban usab ang barangay council ug punong Barangay Danilo Abe.

Nagpa-abot si Abe sa iyang pasalamat ngadto sa gobernador tungod sa electrification project nga makahatag na og kahayag sa ngitngit nga bahin sa mga barangay roads.

Sa lungsod sa Bansalan, gi- turnover usab ni Cagas ang bag-ong  gi-ayo  nga gymnasium kantidad sa P3 million alang sa mga residente sa Brgy. Sto. Niño.

Gi pasalamatan usab ni Sto. Niño Punong Barangay Francisco Andriano ang probinsyal LGU apil usab ang gobernador sa walay puas nga  suporta sa ilang barangay  diin  ang maong gymnasium maoy gihimong vaccination site sa maong barangay