Piñol nangayog tabang kang PRRD sa pagsalbar sa Mt. Apo

Pinaagi sa iyang Facebook page mipadangat og usa ka Open Letter si Senatorial Aspirant Manny Piñol pahinungod kang President Rodrigo Roa Duterte kalabot sa nadiskubrihan niini nga dunay dakong kadaut ang mga lasang sa Kapatagan, Digos City.

Alang sa ika-16 nga higayon, subling gisaka ni Kanhi MinDA Chairman Manny Piñol ang gikonsiderang pinakataas nga bulkan sa Pilipinas, ang Mount Apo, diin kuyog niini ang iyang pamilya.

Sa iyang social media post, giasoy ni Piñol nga unang higayon niya kining miagi sa Kapatagan trail niadtong Enero 30, gikan sa naandang agianan sa Magpet o Kidapawan trail.

Gikumpirma usab niini ang kadaut sa lasang nga iyang naagian padulong sa Mt. Apo.

“Mr. President, I was able to confirm the destruction of the forest of Mt. Apo in the Kapatagan, Digos City side and I am posting this documentary to prove it,” sulti ni Piñol.

Gibutyag usab ni Piñol nga usa sa nagtukmod kaniya sa desisyon sa paghimo sa iyang ika-16 nga pagsaka aron ug pag-agi ngadto sa Kapatagan trail aron pamatud-an ang mga taho nga aduna nay mga vegetable farming financier ang misulod na sa kalasangan sa Mt. Apo diin hugtanon nga gidili diring dapita nga puy-an og mga tao.

 “Walang ibang makakapigil dito Mahal na Pangulo, kundi kayo at ang inyong pagmamahal sa kalikasan, dugang sulti sa kanhing Secretary sa Agriculture.

Gihangyo usab niini si PRRD nga irehab ang Mt. Apo sama sa iyang gihimo rehabilitasyon sa isla sa Boracay.

“Ang hiling ko lang po, gawin ninyo sa Mt. Apo ang ginawa ninyo sa Boracay Island where by sheer political will and determination to change a rotten system, you will be able to protect and preserve the beauty of this mountain which we are all proud of,” dugang sulti ni Piñol.