Piñol nabalaka sa pagsaka sa presyo sa bombay

Nipadayag og kabalaka si kanhi Agriculture Secretary Emmanuel Piñol sa kalit nga pagsaka sa presyo sa bombay (red bulb onions) nga mikabat sa presyo ngadto sa P600.00 matag kilo usa matapos ang tuig 2021.

Sumala pa ni Piñol, “ang problema sa pagdepende sa importasyon. Kung ang mga langyaw nga suppliers mopataas sa ilang mga presyo, wala’y kapilian ang atong gobyerno tungod sa kakulang sa suplay. Mahitabo usab kini sa presyo sa bugas. Kung dili nato usbon ang Rice Tariffication Law, ang mga importer ug negosyante maoy mokontrol sa mga presyo,” pagpasabot ni Piñol.

“Ang nasinating “Onion Crisis” diin nakita ang pagsaka sa presyo sa bombay mao ang mahimong leksyon nga ang Pilipinas dili angay magdepende sa importasyon sa mga palaliton inay kaya kining maprodyus sa mga lokal nga mag-uuma,” matud niya.

Dugang niya, nga duna nay mga gitanom nga sibuyas sa Nueva Ecija, Nueva Viscaya, Mindoro, Iloilo, ug bisan sa Mindanao, apan ang pagpalapad sa mga onion farm napakgang gumikan sa tinuig nga pagbaha sa importasyon sa bombay gikan sa China nga mas barato.

Giasoy usab niini nga ang nasud adunay lapad nga lugar nga haom nga tamnanan sa puti ug pula nga sibuyas nga adunay temperatura nga 13-25 degrees Centigrade nga gilangkoban sa tanang matang sa yuta sama sa sandy loam, silt loam, ug heavy clay nga adunay pH range tali sa 5.8-6.5 ug maayo nga drainage.

 Apan, napakgang ang pagpalambo niini gumikan sa nagbahang importasyon sa bombay gikan sa laing nasud. Busa, gipasalig niini nga usa sa iyang tutukan pag-abot sa senado mao ang major agricultural reforms sama sa pagtukod og FTI-operated Regional Food Consolidation Centers sa mga dagkong syudad.

“One of the major agricultural reforms which I intend to introduce should I be elected to the Senate would be the establishment of an FTI-operated Regional Food Consolidation Centers in the production areas and Farmers and Fishermen’s Outlets in the big cities like Metro Manila and Cebu so that consumers could buy fresh farm products at a lower price,” pasalig ni Piñol.