Piñol giduso ang paggamit sa lokal dairy products ngadto sa mga school feeding program

Mipadayag og kadismaya si Senatorial aspirant ug kanhi Agriculture Secretary Emmanuel Piñol sa paggamit og imported dairy products alang sa school feeding program sa nasod.

Inay sa paggamit sa imported nga gatas, siya miingon nga ang paggamit sa lokal nga mga produkto sa dairy mahimong usa ka dako nga pag-uswag sa industriya.

“Imbes nga suportahan ang atong local dairy farmers pinaagi sa pagpalit sa lokal nga produksiyon sa gatas aron makatabang sa industriya. Busa misugyot og programa nga mosuporta sa importasyon,” matod ni Piñol.

Matod niya nga nasubo siya sa dihang ang school feeding program sa Department of Education (DepEd) nagdepende sa imported nga gatas, nga suplay gikan sa multinasyunal.

“Sa pagkatinuod, molanat pa og pipila ka panahon una ang local dairy stakeholders makahatag sa mga panginahanglanon alang sa national milk-feeding program,” dugang ni Piñol.

Sa iyang paglingkod isip Mindanao Development Authority (MinDA) Secretary, gibutyag ni Piñol nga ang dakong problema nga giatubang sa lokal nga industriya sa dairy mao ang pag-access sa merkado nga gidominahan sa mga natukod nga multi-national dairy corporations.

“Daghan sa atong mga kababayan ang walay trabaho apan dinhi atong gikuha ang kita ug mga oportunidad sa trabaho gikan sa atong kaugalingong katawhan,” sulti ni Piñol.