‘Pahalipay rewards’ mahimo ng idonar sa mga biktima sa bagyo

Hingpit ng activated ang “donate” button, diin mahimong ipindot na sa mga dabawenyo ang maong option aron  idonar ang ilang  SafeDavao QR (DQR) Code Pahalipay rewards.

Pinaagi sa donate button feature, dali na lang alang sa mga Dabawenyos nga maka dona sa ilang DQR Pahalipay Rewards grocery pack ngadto sa mga  biktima sa bagyong Odette pinagi sa ilang matag mobile phones.

Nagkanayon si Mayor Sara Duterte nga tubag kini sa kagamhanan labot panawagan sa katawhan nga dunay  malumong kasing-kasing nga buot  magdonar sa ilang madawat nga pahalipay kon gift packs gikan sa siyudad diin inay ilang i-claim, mas maayong idonar nila sa mga nabagyohan. 

Gawas sa pahalipay rewards nga donasyon, nagbutyag sab si Mayor Sara nga nakig-alayon na sab ang siyudad ngadto sa City Social Welfare and Development Office kon CSWDO alang sa posibleng pag-abli og mga drop-off site para sa mga Dabawenyong nga buot pang magpadala og donasyon ngadto sa mga apektadu sa bagyo.

Gilauman nga sa pagsugod sa Enero sunod tuig pagasugdan na ang pagpadala sa mga donasyon nga gikan sa Safe Davao QR pahalipay rewards ug uban pang donasyon gikan sa pribadong sector.