Pagsuot og face shield boluntaryo na lang sa Davao City

Gimando sa kagamhanang lokal sa Davao City nga boluntaryo na ang pag-gamit kon pagsuot og face shield sa mga  gitawag og 3C’s nga sitwasyon (crowded places, close contact, ug confined o enclosed spaces), kun diin sa tanang lugar ug panahon dili na kinahanglan pang magsuot og face shield sa dakbayan.

Kini subay sa gipagawas nga Executive Order No. 51-A series of 2021 nga gi-isyu ni Mayor Sara Duterte, adlawng martes, November 2, 2021.

Ubos sa section 2 sa maong kamanduan gipangtuki ang mga partikular nga lugar nga ubos kon gitawag og 3C’s.

Kini sama sa daghang tao (Crowded places) nga mga lugar nga dunay nahitabo nga mass gathering kon panagtapok sa katawhan nga gilangkuban sa mga lugar nga Swab sites,vaccination sites, evacuation center, panahon sa distribusyon og hinabang ug comelec voters’ registration.

Samtang ang Close contact gipasabotkadtong dunay panag dikit ug duol ang matag usa ka tao sulod sa unom ka pulgada (6 feet) nga nagdugay ang panaghalubilo og kinse (15) minutos pataas.

Ug ang Confined and enclosed spaces nagpasabot nga sulod sa usa ka gambalay nga dunay atop ug bungbong ug  walay abli nga bintana.

Hinuon padayong  pahimangno sa gobyerno nga bisan pa man sa maong kamanduan sa siyudad angay gihapon nga  mag amping kanunay ang katawhan aron malikayan ang takdanay sa COVID-19.

Nasayran nga epektibo ang maong E.O. November 2, 2021. (NW)