Lig-on nga pakigbisog sa NORDECO gipasibaw atol ‘Black Valentine Protest’

Gisaulog  sa  Northern Davao Electric Cooperative, Inc. (NORDECO) kauban ang tanang laing electric cooperatives (EC) ang  Valentines Day pinaagi sa usa ka Black Valentine Protest diin padayong gibarogan  ug  makigbisog aron batukan ang ‘take over’ sa  pribadong kapital .

Sumala ni NORDECO  OIC General Manager Elvera S. Alngog  nga  gihimo   nila  ang maong selebrasyon isip paagi sa pagpadayag sa gugma sa Electric Cooperative ug sa Rural Electrification Program ingon dili tugotan nga mahiadto sa  pribadong kapital nga walay igong basehan ug rason.  

Dugang pa niya, nga  ang  Black Valentines Protest nagpadayag sa ilang  padayong  pagprotesta uban ang electric cooperatives  batok  sa  gidali dali  nga  pag-aproba  sa  House Bill 10554 diin expansion sa prangkisa  Davao Light nga naapil ang mga lugar ubos sa prangkisa sa NORDECO.

Ang maong aktibidad gitapos pinaagi sa prayer vigil ug candle lighting nga gipahigayon sa Montevista Office, Davao de Oro, Bibu Grounds, Tagum City Office, Sophia Bldg., Tagum City ug Samal Babak Office.