Grupo sa utility workers sa city hall, nagtukod og snack bar

Usa ka grupo sa mga utility workers sulod sa Mati City Hall ang nagtukod sa ilang kaugalingong snack bar sulod mismo sa City Hall. Kini human sila maka-avail sa pangkabuhayan program sa Department of Labor and Employment ug sa City of Mati LGU ubos sa administrasyon ni Mayor Michelle Nakpil Rabat.

Gidumog og kustomer ang pag-abli sa La Veranda Snack Bar nga usa ka food kiosk sulod sa lawak sa Mati City Hall kaniadtong Enero 10, 2022.

Humot sa mga panindang banana cue, kakanin, kamote ug uban pang mga lamian nga mga pagkaon ang masimhutan sulod sa Mati City Hall.

Sa unang adlaw palang sa maong food kiosk giiilogan na sa ilang mga kustomer ang ilang mga baligya.

Gawas sa mga pagkaon, ginapromote usab sa La Veranda ang Mati’s brewed native coffee nga adunay talagsaon nga lasa. Sa ilang unang adlaw, nakabaligya dayon sila og 150 cups sa Mati’s brewed native coffee.

Ang La Veranda Snack Bar usa ka proyekto gikan sa Department of Labor and Employment kon DOLE ug sa lokal nga panggamhanan diin namili si Mayor Michelle Nakpil Rabat ug mga benipisyaryo nga   gitawag ug “low compensated employees” aron makatabang ug makadugang kita sa mga empleyadong job orders.

Ang La Veranda Snack Bar gilangkuban sa mga maintenance unit group nga naggikan sa managlahing departamento sama sa CIENRO nga adunay ubos nga sweldo.

Ang gitanyag nga pangkabuhayang programa suportado ni Mayor Michelle isip tabang sa mga empleyado sama sa mga utility, street sweepers, toilet cleaners ug uban aron nga madungagan ang ilang kita.

P162,000 pesos ang gigahin nga budget alang sa maong proyekto nga gigahin alang sa mga gastos sama sa materyales nga kinahanglan, equipments ug apil na ang budget sa ilang ipangtinda.

Segun ni Marlowe Jesse Castillo Jr nga mao ang Presidente sa La Veranda Association, posibleng dungagan pa ang paunang budget nga gihatag kanila kon ilang maipakita nga milambo na ang ilang gamayng negosyo.

Gawas sa natabangan sila sa sa City of Mati LGU, ang La Veranda Snack Bar dakong benepisyo usab sa mga empleyado sa city hall tungod kay dili na sila kinahanglan pang mugawas sa lawak aron mupalit sa ilang merienda.

Nanghinaut ang La Veranda Association nga suportahan ang ilahang pagpaninda aron mas daghan pa ang matabangan nga mga empleyadong adunay ubos nga sweldo.

Dili ikalimod na ang pagpanarbaho sa gobyerno labon na kung usa ka lamang ka job order, dili gayud makabuhi sa mga adunay pamilya. Busang dakong pasalamat sa mga miyembro sa La Veranda Association tungod sa inisyatibo ni Mayor Michelle Nakpil Rabat na madugangan ilang binulang kita pinaagi sa gamayng negosyo.

Pamatuod nga ang pagpanerbisyo sa kasamtangang administrasyon naglantaw gayud sa mga gagmayng trabahante sama sa mga tiglimpyo sa mga kasilyas sulod sa city hall. Busa walay kasudlan ang ilang pasalamat sa DOLE og kang Mayor Michelle Rabat nga ti-unay gayud nga naglantaw sa kaayuhan sa tanan labon na kanilang dunay pinaka-gamayng sweldo sa gobyerno.