Gipahigayong bomb drill sa Davao City, nagmalamposon

Nagmalamposon sa kinatibuk-an ang gipahigayon nga Simulation Exercises (SIMEX) sa Joint Security Forces sa Davao City sa SM Lanang Premiere parking lot, sabado sa buntag ( Dec. 4).

Ang senaryo nga gipakita sa  SIMEX mao ang pagbusikad sa bomba diin human nakumpirma ang maong hitabo  gilayong gipang –deployed sa Central 911 ang tibuok  pwersa sa otoridad.

Kauban sa bomb rill ang Task Force Davao, BFP, DCPO, TOWEM, Central 911, CSWDO, SM Lanang, PCG, PSSCC, ug  MARITIME Command.

Sa kabahin ni Task Force Davao Commander Col. Darren Comia, nalipay kini sa nahimong resulta sa bomb drill diin ang tanan nga dunay kabahin sa SIMEX ang ningsalmot ug nagbuhat sa ilang angay buhaton.

“Ako po ay naging proud sa  kinalabasan ng ating simulation exercises, its because nakita po natin how organized , how systematic and synchronized ang reaksyons at responses ng ating security forces and all offices and agencies  attached to the local govt.  unit of Davao City,” matud pa ni Comia pagkahuman sa gipahigayon nga bomb drill.    

Una niini  nagpadayag na ang  opisyal nga usa sa tinguha sa maong simex mao ang padayong pagpakusog sa  kapasidad sa pwersa sa gobyerno labot paghatag og  seguridad ingon man pagtubag sa bisan unsang mahitabong  hulga sa panenorismo.

Padayon sab nga gikampanya sa Task Force Davao ang aktibong partisipasyon sa katawhan aron mapadayon ang  kalinaw ug kahapsay  pinaagi sa kanunay pagsunod sa culture of security.

Subay niini gi-awhag ang publiko  nga  boluntaryong magpa inspection sa ilang kaugalingon sa tanang higayon sa  tanang gipatuman nga checkpoints isip kabahin sa security measures sa dakbayan.

Ug labaw sa tanan ireport kung dunay makita nga kadudahang butang o tao ngadto sa mga otoridad  diin  hinumduman kanunay ang kampanya nga “kapag may nakita, magsalita.” (NW)