Coalition batok pag-pribado sa Electric Cooperative gisinggit ang pagbabag sa HB 10554

Hugot nga gisinggit sa Coalition Against Privatization of Electric Cooperatives (CAPECs) kauban ang National Center of Electric Cooperative Consumers (NCECCO) sa Davao del Norte ug Davao de Oro Chapter, Inc. ang pagbabag sa House Bill 10554 atol sa peace rally ug caravan nga gipahigayon niadtong byernes, Enero 14, 2022 atubangan sa kapitolyo sa  Davao del Norte.  

Tumong sa maong kalihokan ang mahatagan ug kaamgohan ang pagpasa sa House Bill 10554, nga nagpalapad sa prangkisa sa Davao Light and Power Company ngadto sa mga Lungsod sa Samal ug Tagum, ug sa mga lungsod sa Talaingod, Asuncion, Kapalong, San Isidro, New Corella, Davao del Norte, ug ang Munisipyo sa Maco, Davao de Oro nga pulos anaa sa franchise coverage area sa Northern Davao Electric Cooperative (NORDECO).

 “Kaning kalihukan karon nga gipasiugda sa Coalition Against Privatization of Electric Cooperatives (CAPECs) pero gilangkuban usab kini sa mga batan-ong sector nga MCO member-konsumante pud. Nagatapok kami ug nagkauyon nga among ipasibaw sa malinawon na pamaagi ang among sentimyento sa pagprotekta sa cooperative mismo ug ang serbisyong electrisidad diri sa duha ka probinsiya, sa Davao de Oro and Davao del Norte, lakip ang isla sa Samal,” tipik sa pamahayag ni Ariel Perote ang secretary sa Coalition Against Privatization of Electric Cooperatives (CAPECs).

Samtang, mipasibaw usab si Recoboda Partlist Rep. Godofredo Guya sa iyang suporta sa maong kalihokan.

“We support this movement now that is undertaken by the electric- consumers of NORDECO. Actually, we objected the passage of that house bill 10554. Expanding the franchise area of the Davao light and company. We support and this is not the only fight of NORDECO, this is the fight of the 14-million electric consumers in the country. Ayaw natin na magiging negosyo ito, dapat ito serbisyo lang,” sulti ni Guya.

Tumong usab sa maong aktibidad nga ipakita ang pagsupak sa pagpalabang sa maong House Bill ug pagpalig-on sa hangyo sa mga kooperatiba sa mga magbabalaod nga ibasura ang maong balaudnon.