Christmas party wala gihapon gitugot sa Davao City

Gipasabot ni Mayor Sara Duterte nga wala gihapon gitugot sa Davao City ang pagpahigayon og dili importanteng panagtigum sama sa Christmas parties.

Matud sa Mayor nga ang nahisgutang lakang agig pagsiguro nga padayong mo-ubos ang ihap sa mga kaso sa COVID-19 sa siyudad.

Atol sa senimanang programa sa radyo sa mayor, iyang gibutyag nga nag-meeting ang COVID-19 Task Force og gituki na sa prevention and enforcement cluster nga ubos sa Alert Level 2 ang syudad diin ang parties wala nalakip sa gitugot nga Private Meetings, Incentives, Conferences, and Events (MICE).

“Ang sa private establishments, [they are] guided by IATF under Alert Level 2 and sa DTI. But from what I understand, sa prevention and enforcement cluster, dili apil ang parties sa mga allowed nga MICE events dinha sa mga establishments. But from what I understand, as per prevention and enforcement cluster, parties are not allowed in MICE even for private establishments,” pasabot ni Mayor Sara.

Giklaro sab sa Mayor nga langkuban kini sa pag-gamit sa usa ka venue ug pagpahigayon og aktibidad sa restaurants diin matawag gihapon nga dili importante kon “non-essential”.

Gibarugan ni Mayor Sara nga magpabilin ang Executive Order No. 43, diin nag-bawal sa mga non-essential events sa tanang barangay, local ug national government offices, apil na dinhi ang government-owned and controlled corporations (GOCCs) nga naka base diri sa dakbayan diin molungtad pa ang E.O. hangtud December 31, 2021 o hangtud nga duna pay pandemya.

Sa samang bahin gi-awhag sa Mayor ang mga Dabawenyo nga likayan ang pagsalmot og mga social gatherings sama sa parties ug pag adto sa mga daghang tao sama sa mga malls sanglit dako ang risgo sa takdanay sa virus. (NW)