‘Christmas Drop Operation’ gipahigayon sa Malita, DavOcc

Aktibong gisalmotan sa mga personahe sa 1st Davao Occidental Police Moblie Force Company kon DOcPMFC ang Operation Christmas Drop 2021 pinaagi sa  inisyatibo sa Chief PNP sa paghata og Food Packs, Toys, ug Face Masks ngadto sa mga residente sa Brgy. Poblacion, Malita, Davao Occidental, adlawng lunes, December 27, 2021.

Ang Operation Christmas Drop 2021 gipahigayon sa 1st DOcPMFC  sa pagpanguna ni bt Pat Gibbson J Quionez ubos sa pagdumala ni PMAJ NORMAN L YPARRAGUIRRE kinsa Acting Force Commander, sa Brgy. Poblacion, Malita, Davao Occidental.

Kinatibuk-ang bente (20) ka pamilya ang naka benipisyo sa maong aktibidad diin matag pack nga nadawat adunay sulod nga tulo ka kilong bugas, dulaan para sa mga bata ug usa ka box nga Face Masks.

Gawas sa tinguha nga mopatigbabaw ang ispiritu sa pasko, tumong sab sa Christmas Drop 2021 ang paghatag kadasig sa katawhan taliwala karong panahon sa pandemya.