BM “Chiongkee” Uy gipasidunggan human nasakmit ang “2020 CSC Pag-asa National Award”

Pormal nga gidawat ni  Davao de Oro Senior Borad Member (BM) Arturo “Chiongkee” Uy  ang certificate of commendation timaan sa dakong pag-ila sa iyang extra excellent performance sa public services delivery human nadawat ang “2020 CSC Pag-asa Award” nga gihatag sa Civil Service Commission.

Gipangunahan ni CSC Provincial Dir. Nelly Esperanza, Gov. Jayvee Tyron Uy, ug Vice Gov. Maricar Zamora ang  paghatag sa ceretificate atol sa employees convocation program, adlawng lunes, January 3, 2022. 

Gihatagan sad sa susamang Awards si PA Virgilia S. Allones ug mga kauban sa “End Hunger Program Team” nga sila PGSO Head Arceli Timogtimog, KnK Focal Mark Tenio, ug School Based Feeding Program (SBFP) Coordinator Ronald Allan Higgins sa DepEd DdO.

Nasayran nga si BM UY maoy  Action Officer sa “Bayanihan Para sa Kalusugan-Kusina ng Kalinga (BPSK-KnK) Program” ug si Allones maoy nanguna sa gimugnang “End Hunger Program Team” ni Gov. Tyron Uy sa PLGU DdO nga gitahasan pagdumala sa BPSK-KnK Program.

Nakatala og dakong kalampusan ang maong rograma ilabi na sa pagpakunhod sa malnutrition sa mga school children diha sa pampublikong mga tulunghaan sa elementarya sa tibuok probinsya.

Diin adunay natala nga 90.89% rehabilitation rate ang pagpakaon kada adlaw panahon sa klase og libreng nutritious foods sa 25,373 undernourished nga mga Kindergarten Pupils ug Elementarya diin mas taas sa target nga 70% lang.