Armas nakumpiska sa Sirawan Checkpoint

Malamposong  nakumpiska sa  mga  sakop sa Task Force Davao ug  Davao City  Police  Office ang  gituohang gipalusot nga armas diin walay  igong papeles  sa dihang mi-agi sa chekpoint sa Sirawan Toril , Davao City, martes, August 2.

Ang armas  nga  nakumpiska  gilangkuban sa  usa  ka  caliber 40 pistol nga dunay tulo ka  magazines loaded  sa  45 ka mga  bala. 

Subay niini, nadakpan ang suspek nga nailahang si  Hilbert D. Calixton,  kinsa  taga  Calumpang, General Santos City,  human  makuting  girekisa ang  sakyanan  niini sa chekpoint  pasado alas  syete  sa  buntag . 

Ang suspek  nasayran nga nagmaneho  sa  puti  nga   Grandia Van  diin  byahe pasulod sa  dakbayan. Gilayong  gi- turned over  ang suspek  ug  naana  sa  kustodiya sa  Toril Police Station  alang sa  posibleng kasong atubangon. (rfb)