30 ka bata sa Mati City unang nabakunahan

Natala sa traynta ka mga batang  nag-edad og 5-11 anyos ang nakadawat na sa ilang unang dose sa bakuna batok COVID 19 atol sa pagsugod sa pediatric vaccination, adlawng lunes , (Feb . 14)  sa Mati City.

Ang ceremonial kick-off gipahigayon sa Mati Cultural Center  nga dunay temang “Bida ang Bata sa Resbakuna!”.

Malampusong napahigayon ang maong pediatric vaccination sa mga batang nag- edad 5-11 anyos subay sa mando sa Deparment of Health Region 11.

Gipangunahan ni National Immunization Program Coordinator Mario Lutog Jr. ug Health Education Promotion Officer  Franz E. Nioda ang pediatric  vaccination roll out.  

Sama sa pagbakuna sa mga hamtong, miagi sab ug 6 ka lakang ang mga bata:

(1) Registration,

(2) checking of vitals and temperature,

(3)  IEC Lecture o pag orient,

(4) Doctor Check up,

(5) pag bakuna, ug

(6) post vaccination ug pag hatag og tambal

Human makadawat sa bakuna, makadawat og ginagmayng pahalipay ang mga bata ug mamahimo sab sila nga magdula sa gimuntar nga Inflattable playground nga gitukod alang kanila.

Mag padayon na ang pagbakuna sa mga bata sa mga musunod na adlaw didto sa Children’s Playground sulod sa Mayor FGR Park and Baywalk. Alang sa uban pang mga bakuna sites sa mga bata, magpost lamang ang CHO sa skedyul sa musunod na mga adlaw.

Subay niini, gi-awhag sa CHO ang tanang ginikanan sulod sa dakbayan na mag pa bakuna na sailang mga bata aron dugang proteksyon kontra sa Covid-19.