27 Mayors sa BARMM suportado si Herbert Bautista

Mokabat sa 27 ka mga Municipal  Mayors gikan sa Lanao del Sur ug Maguindanao Province  sakop sa Bangsamoro Autonomous Region in Muslim Mindanao (BARMM) ang  misaad sa ilang suporta kang senatorial aspirant ug dating Mayor ng Quezon City Herbert Bautista  kinsa  magpapiling senador sa  2022 elections.

Sa usa ka restawran sa Davao City, nagpahigayon og consultation meeting si Bautista kauban ang mga Mayor niadtong disyembre 7 tumong matud pa niini nga madungog ang mga panginahanglanon sa matag munisipyo.

“Andito ako to consult you, I’m here to listen to you and to understand more deeply and  how do we achieve just and lasting peace in the area”, tipik sa pamahayag ni Bautista.

Sumala sa mga Mayor nga mitambong, sagad sa ilang mga pangandoy ang mahatagan ang ilang mga probinsya og  igong pagtagad sa panggamhanang national ilabi na sa  pamalaod  aron mas mapalambo pa ang ilang probinsya pag abot sa panginabuhian ug mapatuman ang dugang mga imprastructura ilabi na sa nagpadayon nga transisyon sa Bangsamoro Government. 

“Naniniwala kami na malaki ang iyong maitutulong sa ating mga kababayan. With this, at dahil andito kaming lahat na nga Mayor we are all from Maguindanao and Lanao del Sur para makita ng ating mga young leaders yung suporta natin sa kanya [Bautista],” tipik sa mensahe ni Lumbayanague Vice Mayor – Arimao Asum.

Pipila sa mga mayor nga present sa maong tigum  mao ang gikan sa mga munisipyo sa Lanao del sur nga gilangkuban nila Tamparan Mayor – Mohammad Juhar D. Disomimba, Binidayan Mayor- Sodals “Sual” D. Dimaporo, Lumbayanague Vice Mayor – Salamona L. Asum, Sultan Dumalondong Mayor – Jamel B. Kurangking, Pagayawan Mayor – Khalida P. Sanguila, Mulondo Mayor – Nihara M. Panandigan,  Bacolod Kalawi Mayor – Nora L. Dipatuan, Lumbaca Unayan Mayor – Somerado M. Guro, Saguiran Mayor  – Hafiz A. Muti,  ug  Lumba-Bayabao Mayor – Mahar P. Dagalangit.

Ningtambong  sab ang mga Maguindanao Mayor sama nila Guindulungan Mayor – Midpantao M. Midtimbang Jr., Sultan sa Barongis Mayor – Mayor Mamantal, Datu Piang Mayor  – Victor Samama, Buldon Mayor –  Abulaiz Manalao,  ug General Salipada K. Pendatun Mayor – Bimbo Pendatun Ali.

Agig tubag sa mga panawagan ug rekomendasyon sa mga Mayor gipanaad ni Bautista nga mahatag kanila ang ilang gikinahanglang programa ug proyekto alang sa kalamboan sa ilang munisipyo ug probinsya. 

“Asahan niyo sa tulong po ninyong lahat at palarin tayo na maging senador tayo, sabi niyo ibang senador di pumupunta sa inyo, ako hanap niyo ako ng bahay doon na ako titira sa inyo,” komedyang hirit sa nagpapiling senador. (nw)