22 vaccination sites gi ablihan sa ‘Bayanihan Bakunahan’ sa Tagum City

Gi-ablihan sa kagamhanang lokal sa Tagum City ang 22 ka vaccination sites alang sa tulo ka adlaw nga National Vaccination campaign diin tinguha nga makab-ot ang 51,649 ka taong bakunahan.

Gibutyag ni City Health Education Promotion Officer (HEPO) Rae Catherine Apura nga matag adlaw gitarget nga makab-ot sa siyudad ang 17,216 ka Tagumenyong bakunahan.

Gilunsad ang unang adlaw sa aktibidad sa Tagum City Hall Atrium kagahapon diin gipangunahan mismo ni Mayor Allan Rellon kauban ang mga Department Head sa siyudad.

Samtang nakig-alayon usab ang gobyerno ngadto sa mga malls, hospitals ug eskwelahan alang  sa pagsalmot sa national vaccination campaign- Bayanihan, Bakunahan.

Adunay 200 ka volunteers ang nagpadayag og suporta ngadto sa kagamhanan sa siyudad sa pagpahigayon og bakuna sa tanang dapit sa siyudad. (NW)